सिन्धुपाल्चोक, साउन ५ । गत आर्थिक वर्ष २०२२/२३ मा चीनसँगको उत्तरी सीमावर्ती तातोपानीबाट राजस्व संकलन लक्ष्यभन्दा कम भएको छ ।
कुनै समय ५ अर्ब रुपैयाँ राजस्व संकलन गरी मुलुकको अर्थतन्त्रलाई महत्वपूर्ण टेवा दिने तातोपानी भन्सार कार्यालय २०७२ सालको भूकम्पपछि राजस्वमा ह्रास आएको छ ।
तातोपानी भन्सार कार्यालयका अनुसार गत आवमा ४ अर्ब ६२ करोड राजश्व संकलनको लक्ष्य राखिए पनि लक्ष्यको ३ अर्ब २७ करोड (७० दशमलव ८४ प्रतिशत) मात्रै असुली भएको थियो ।
२०७२ सालको भूकम्पपछि बाढी, पहिरो, कोभिड–१९ को महामारीका साथै सडकको जोखिमपूर्ण अवस्थाका कारण उक्त नाका राम्ररी सञ्चालन हुन नसकेको तातोपानी भन्सार कार्यालयका प्रमुख दयानन्द केसीले बताए । वैशाख १ गते निर्यात भएको थियो, त्यसपछि निर्यात र आयात दुवैमा कमी आएको थियो ।
मे १ तारिखमा बाँसका बोल्टसहित नेपाली सामग्री बोकेका सात कन्टेनर गाडी चिनियाँ भूमिमा प्रवेश गरेका थिए । आयात हुने सामग्रीमा विद्युतीय भ्यान, आयोजनाका सामान, स्याउ, नाशपाती, ओखर लगायतका वस्तु रहेको भन्सार अधिकृत लक्ष्मण बाँस्तोलाले बताए ।
Published Date: 21 July 2023
