काठमाडौं, असार २१ । सुनको भाउ लगातार ३ दिन बढेको छ ।
नेपाल सुन–चाँदी व्यवसायी महासंघका अनुसार बिहीबार छापावाल सुन प्रतितोल १०० रुपैयाँले बढेर १ लाख १० हजार ७०० रुपैयाँ कायम भएको छ । यसैगरी, तेजावी सुनको मूल्य तोलाको १ लाख १० हजार १५० रुपैयाँ निर्धारण भएको छ ।
मंगलबार र बुधबार पनि सुनको भाउ क्रमशः प्रतितोला ४०० र २०० रुपैयाँले बढेको थियो ।यसअघि बुधबार सुनको मूल्य १ लाख १० हजार ६०० रुपैयाँ कायम भएको थियो । यसैगरी, तेजावी सुनको भाउ तोलाको १ लाख १० हजार ५० रुपैयाँ निर्धारण भएको थियो । यता, बिहीबर चाँदीको भाउ पनि तोलामा १५ रुपैयाँले बढेर १३ सय ९५ रुपैयाँ कायम भएको छ ।
बुधबार चाँदीको भाउ तोलाको १३ सय ८० रुपैयाँ कायम रहेको थियो । अन्तर्राष्ट्रिय बजारमा आज सुन प्रतिऔंस १ हजार ९१७.८७ डलरमा कारोबार भइरहेको छ भने चाँदी प्रतिऔंस २२ डलरमा कारोबार भइरहेको छ ।
