कास्की, असार २१ । अविरल वर्षाका कारण कास्कीको माडीमा पहिरोले दुई परिवार विस्थापित भएका छन् भने चार घर विपद्को जोखिममा परेका छन् ।
अविरल वर्षाका कारण माडी वडा नं ६ मा पाँच घर र वडा नं १ मा एक घर पहिरोको चपेटामा परेका छन् । कमलापति बराल र दीपक बरालका परिवार आफन्तको घर र सामाजिक संस्थामा शरण लिएको स्थानीय प्रतिनिधि दिलबहादुर क्षेत्रीले बताए ।
पीडित परिवारको वैकल्पिक व्यवस्थापनका लागि स्थानीय सरकारलाई पहल गर्न सिफारिस गरिएको उनले बताए ।
गाउँपालिकाका अध्यक्ष देवीजंग गुरुङले विस्थापित परिवारलाई राहत दिने प्रतिवद्धता व्यक्त गरे ।
माडीका अन्य वडाहरूले बाढीको परिणाम भोगिरहेका छन् जसले गाउँका ग्रामीण सडकहरूलाई विशेष रूपमा क्षति पुर्याएको छ।
Published Date: 06 July 2023
