काठमाडौँ, जेठ १२ । अभिनेत्री विपना थापा बिहिबार राती भारतबाट नेपाल आएकी छन् । ‘तेश्रो स्पर्श म्युजिक भिडियो अवार्ड’मा सरिक हुन विपना माइती देश आएकी हुन् । विमानस्थलमा सञ्चारकर्मीसँग कुरा गर्दै उनले अब फिल्ममा निरञ्तर रुपमा काम गर्ने बताइन् ।
‘अब छोरा ठूलो भइसकेको छ । यसैले म फुर्सदिलो छु र फिल्ममा काम गर्न कुनै समस्या छैन । मलाई म्युजिक भिडियोमा पनि काम गर्नु रहर छ’ अभिनेत्री थापाले भनिन् । उसो त बिपना फिल्म ‘ह्रस्वदीर्घ’ मार्फत् १७ वर्षपछि पर्दामा पुनरागमन गर्दैछिन् । उनले भनिन्, ‘अरु एक-दुईवटा फिल्मसँग कुरा भइराखेको छ । म्युजिक भिडियोबाट प्रस्ताव आयो भने त्यो पनि गर्छु ।’
