काठमाडौँ, जेठ ९ । सहिद स्मारक ‘ए’ डिभिजन लिगको दोस्रो लेगको सातौं चरण अन्तर्गत आज मंगलबार दुई खेलहरु हुँदैछन्। जसमध्ये एक खेल एन्फा कम्प्लेक्समा हुनेछ भने एक खेल दशरथ रंगशालामा हुनेछन्।
त्रिपुरेश्वरस्थित दशरथ रंगशालामा हुने खेलमा सातदोबाटो युथ क्लब र एफसी खुमलटारबीच प्रतिस्पर्धा हुनेछ। सातदोबाटो र खुमलटारबीचको खेल दिउँसो ३ बजे सुरु हुनेछ। सातदोबाटो १९ खेलमा २९ अंक जोडेर चौंथो स्थानमा रहेको छ भने खुमलटार १९ खेलमा १८ अंक जोडेर १४ औं स्थानमा रहेको छ।
यस्तै एन्फा कम्प्लेक्समा थ्री स्टार क्लब र नेपाल पुलिस क्लबबीच प्रतिस्पर्धा हुनेछ। दुई टोलीबीचको खेल दिउँसो ३ बजे सुरु हुनेछ। थ्री स्टार १९ खेलमा २६ अंक जोडेर छैटौं स्थानमा रहेको छ भने पुलिस १९ खेलमा २२ अंक जोडेर १२ औं स्थानमा रहेको छ।
Published Date: 23 May 2023
