काठमाडौँ, जेठ ८ । सहिद स्मारक ‘ए’ डिभिजन लिगको दोस्रो लेगको सातौं चरण अन्तर्गत आज सोमबार दुई खेलहरु हुँदैछन्। आज एक खेल एन्फा कम्प्लेक्स र एक खेल च्यासल मैदानमा हुनेछन्।
सातदोबाटोस्थित एन्फा कम्प्लेक्समा त्रिभुवन आर्मी क्लब र फ्रेन्ड्स क्लबबीच दिउँसो ३ बजे प्रतिस्पर्धा हुनेछ।
त्रिभुवन आर्मी १९ खेलमा २६ अंक जोडेर छैटौं स्थानमा रहेको छ भने फ्रेन्ड्स १९ खेलमा २१ अंक जोडेर १३ औं स्थानमा रहेको छ।
यस्तै दिउँसो ३ बजे नै च्यासल मैदानमा शुरु हुने खेलमा शीर्ष स्थानमा रहेको चर्च ब्वाइज युनाईटेड र हिमालयन शेर्पा क्लबबीच प्रतिस्पर्धा हुनेछ। चर्च ब्वाइज १९ खेलमा ३६ अंक जोडेर शीर्ष स्थानमा रहेको छ भने हिमालयन १९ खेलमा २५ अंक जोडेर सातौं स्थानमा रहेको छ।
Published Date: 22 May 2023
