काठमाडौँ, वैशाख २४ । प्रतिनिधिसभा बैठकमा सांसदहरूको डिजिटल उपस्थिति अर्थात ई–हाजिरी सुरू गर्ने तयारी भएको छ ।
यस विषयमा सभामुख देवराज घिमिरेले भने,” संसदमा माननीयहरूको उपस्थिति कमजोर भएको छ । सांसद तलब भत्ता खानमात्र बैठकमा आउँछन् भन्ने आम बुझाइ छ । संसद सचिवालयलाई ईहाजिरीको तयारी गर्न, राष्ट्रिय सभाको अनुभवबारे अध्ययन गर्न निर्देश गर्दछु। “
सभामुख घिमिरेका अनुसार आज बसेको कार्यव्यवस्था परामर्श समितिको बैठकमा ईहाजिरी सुरू गर्ने र सभाका सदस्यहरूको उपस्थिति वेबसाइटमार्फत सार्वजनिक गर्ने छलफल भएको हो ।
