काठमाडौं, वैशाख १९ । राष्ट्रपति रामचन्द्र पौडेलले भारतमा गरेको आफ्नो उपचारको सम्पुर्ण खर्च आफैले व्यहोर्ने बताएका छन्। राष्ट्रपतिका प्रेस संयोजक खिला कार्कीले आज (मंगलबार) एक प्रेस नोट जारी गर्दै भारतमा भएको उपचार खर्च राष्ट्रपति पौडेलले ब्यहोर्न चाहेको उल्लेख हरेका हुन्।
छातीमा समस्या देखिएपछि त्रिवि शिक्षण अस्पतालमा उपचार गराएका राष्ट्रपति पौडेल चिकित्सकहरुको सुझावका आधारमा ६ वैशाखमा भारतको नयाँदिल्लीस्थित अखिल भारतीय आयुर्विज्ञान संस्थान (एम्स) मा उपचारका लागि गएका थिए ।
भारतको भारतीय आयुर्विज्ञान संस्थान (एम्स) मा ११ दिनको उपचारपछि राष्ट्रपति पौडेल आइतबार राति स्वदेश फर्केका हुन्।
