भक्तपुर, बैशाख १४ । सम्पदा संरक्षणमा भक्तपुरका अग्रजको अग्रसरता स्वरूप भक्तपुरमा विभिन्न किसिमका सम्पदाहरूको संरक्षण एवम् जिर्णोद्धार भएका छन् ।
सोही सन्दर्भमा भक्तपुर वडा नं ९ स्थित वाकुपति चाँगुनारायण मन्दिरमा रहेको झिंगटीको छानाको सट्टा तामाको छाना र त्यसमा सुनको जलप लगाउन जेष्ठ नागरिकको अग्रसरतामा उपभोक्ता समिति २०७४ मा गठन गरेको थियो ।
नेपाल मजदुर किसान पार्टीका केन्द्रीय अध्यक्ष नारायणमान बिजुक्छेको उपस्थितिमा वाकुपति चाँगुनारायण तामाको छानामा सुनको जलप २०८० नामक पुस्तक यहीँ बैशाख १६ गते शनिबार सार्वजनिकीकरण हुने भक्तपुर नगरपालिकाले जनाएको छ ।
पुस्तकमा मन्दिरका ऐतिहासिक दस्तावेज सहित उपभोक्ता समिति मार्फत भएका विभिन्न समयका कार्यहरूको अभिलेख समेत संग्रहित हुनेछ ।
उक्त मन्दिरको छानामा सुनको जलप लगाउन सहयोग गर्ने चन्दादाताहरूलाई धन्यवाद पत्र समेत वितरण हुने सो कार्यक्रममा सम्पदाप्रेमी महानुभाव तथा वडाबासी लगायत नगरबासीको उपस्थितिको लागि हार्दिक अनुरोध गरिएको छ ।
