झापा, वैशाख १३ । नेकपा (एमाले)का अध्यक्ष केपी शर्मा ओलीले चारैतिरबाट घेरिए पनि एमाले अगाडि बढेको बताएका छन्। उनले ‘मिसन ग्रासरुट’ अभियानमार्फत पार्टीलाई गतिशील बनाउन कार्यकर्तालाई आग्रह गरे ।
पार्टीलाई समाप्त गर्नका लागि बनेको गुटबन्दीलाई हटाई मुलुकले वर्तमान समस्यालाई अन्त्य गर्न एमाले प्रयासरत रहेको उनले बताए ।
उनले पार्टीभित्रका कार्यकर्ता र नेतृत्वभित्र रहेको असन्तुष्टिलाई वार्ताबाटै समाधान गर्न आग्रह गरे । सहकार्य र एकताको अभावले पार्टीलाई कमजोर बनाउँदै लैजाने बताउँदै उनले भने, ‘राष्ट्र निर्माणको जिम्मेवारी हामीकै काँधमा आउँछ, विकास, सुशासन र राष्ट्रिय एकताका लागि एकताबद्ध भई पार्टीलाई थप सुदृढ बनाऔं ।
Published Date: 26 April 2023
