अफगानिस्तान, वैशाख १३ । (सिन्ह्वा) अफगानिस्तानको पश्चिमी बाघिस प्रान्तमा भएको कार दुर्घटनामा कम्तीमा पाँच यात्रुको मृत्यु हुनुको साथै अन्य नौ जना घाइते भएको प्रान्तीय प्रहरी कार्यालयले बुधबार जारी गरेको विज्ञप्तिमा जनाइएको छ ।
बाला मुर्गाब जिल्लामा मंगलबार साँझ लापरवाहीका कारण कार पल्टिँदा एक बालकसहित पाँच जनाको घटनास्थलमै मृत्यु भएको र अन्य नौ जना घाइते भएको विज्ञप्तिमा उल्लेख छ ।
घाइते महिला र बालबालिकासहित सबैलाई उपचारका लागि अस्पताल लगिएको छ । पूर्वी परवान प्रान्तमा सोमबार यस्तै सडक दुर्घटनामा ६ जनाको मृत्यु भएको छ ।
पहाडी मुलुकका भीडभाड सडक, यात्रा गर्दा सुरक्षा उपायको अभाव र धुलोले भरिएको राजमार्गमा लापरबाहीका कारण सवारी दुर्घटना हुने गरेको छ ।
युद्धग्रस्त देश अफगानिस्तानमा उपवास महिना रमजानको अन्त्यको लागि इद अल-फित्रको पहिलो दिन शुक्रबारदेखि कम्तिमा २० व्यक्तिको मृत्यु भएको पुष्टि भएको छ र अन्य २०० भन्दा बढी घाइते भएका छन्।
