काठमाडौँ, वैशाख १३ । नेपालका लागि जापानका राजदूत किकुता युताकाले परराष्ट्रमन्त्री नारायण प्रकाश साउदसँग मंगलबार परराष्ट्र मन्त्रालय, सिंहदरबार, काठमाडौंमा शिष्टाचार भेट गरेका छन् ।
राजदूत किकुताले परराष्ट्रमन्त्री साउदलाई जापानका परराष्ट्रमन्त्री हायासी योशिमासाले नेपालको नयाँ परराष्ट्रमन्त्रीको रूपमा साउदको सफलतासँगै बधाई पत्रको प्रतिलिपि हस्तान्तरण गर्दै जापानी राजदूतावासले बुधबार जारी गरेको विज्ञप्तिमा भनिएको छ ।
सन् २०१५ को भूकम्पको आठौं वर्षगाँठको स्मरण गर्दै राजदूत किकुताले विपद् रोकथामका लागि जनचेतना अभिवृद्धि गर्नुका साथै लचिलोपनमा सुधार गर्नुपर्ने आवश्यकता औंल्याए र यस क्षेत्रमा जापानको अनुभव बाँड्ने इच्छा व्यक्त गरे । उनीहरुले नेपाल र जापानबीचको मैत्रीपूर्ण सम्बन्धलाई अझ प्रगाढ बनाउने विषयमा पनि विचार आदानप्रदान गरेका थिए ।
