काठमाडौं, चैत ३० । काठमाडौं उपत्यकामा केही महिनाअघिसम्म भईरहेको पानी चुहावटको समस्या निकै कम भएको छ ।
मेलम्ची खानेपानी आयोजनाका लागि बिछ्याइएको नयाँ पाइप परीक्षणका क्रममा पुरानो पाइपबाट पानी वितरण गर्दा लिकेजको समस्या धेरै देखिएको थियो ।
काठमाडौं उपत्यका खानेपानी लिमिटेड (केयुकेएल) ले चुहावट हुने अधिकांश स्थान मर्मत गर्दै आएकाले यस्ता समस्या कम हुँदै गएको देख्न सकिन्छ । केयुकेएलका प्रमुख कार्यकारी अधिकृत मिलनकुमार शाक्यले लिकेज भएका ठाउँलाई पहिलो प्राथमिकतामा राखेकाले मर्मत भइरहेको बताए ।
उनले भने, ‘कतै चुहावट भएको जानकारी आएलगत्तै सडक विभागको स्वीकृति लिएर मर्मतको काम हुन्छ ।
मर्मतको काम छिटो र प्रभावकारी रूपमा भएकाले चुहावटका घटनामा उल्लेख्य कमी आएको केयुकेएलले बताए । नयाँ पाइपको परीक्षण भइरहेको र असार मसान्तसम्ममा काम सम्पन्न गर्ने निर्देशनालयले काम गरिरहेको उनले बताए ।
परीक्षण सकिएपछि नयाँ पाइपलाइनबाट पानी वितरण सुरु हुनेछ । शाक्यले भने, ‘लिकेजको मात्रा कम हुने अपेक्षा गरिएको छ । हामी चाँडै जनतालाई थप पानी उपलब्ध गराउन सक्षम हुनेछौं। ”
अहिले प्रत्येक दुई दिनमा उपभोक्ताको घरमा पानी पु¥याउने गरेको शाक्यले बताए । केयुकेएलले परीक्षणका लागि ५ करोड लिटर पानी प्रयोग गर्दै आएकाले उपभोक्ताले पानी कम पाएका छन् । परीक्षण सकिएपछि नयाँ प्रणालीमा १७ करोड लिटर पानी आपूर्ति गर्न सकिने उनले बताए ।
केयुकेएलले उपत्यकामा खानेपानी वितरणका लागि नयाँ पाइप बिच्छ्याउँदै १० स्थानमा ट्याङ्की निर्माण गरेको थियो । अहिलेसम्म पुरानो जलाशयबाट पानी वितरण भइरहेको छ । नयाँ ट्याङ्कीको अहिले परीक्षण भइरहेको उनले बताए ।
मेलम्चीमा पानी वितरणको क्रममा पाइप चुहावटका कारण काठमाडौं उपत्यकाका धेरै सडकमा क्षति पुगेको छ । उपत्यकामा पानी वितरण भइरहेका मुख्य सहरी क्षेत्रमा चुहावटका कारण सडकमा बढी क्षति भएको छ ।
लैनचौर–महाराजगञ्ज, महाराजगञ्ज–बालाजु, त्रिपुरेश्वर–कलङ्की, ताहाचल–चौनी, नयाँ सडक, कालीमाटी–कलङ्की सडक, लगनखेल, कुपण्डोल, कुमारीपाटी, बल्खु र कालीमाटी क्षेत्रका विभिन्न खण्डमा खाल्डाखुल्डी देखिएको छ ।
