भक्तपुर, चैत २६ । किकम्पा मन्टेश्वरी प्रि स्कुलको आयोजनामा नगरकोटमा रणनीतिक योजना तर्जुमा कार्यक्रम शनिबार सम्पन्न भयो । विद्यालयको नयाँ शैक्षिक सत्र २०८० लाई मध्यनजर गर्दे नयाँ योजनाका साथ अघि बढ्न सो कार्याक्रम आयोजना गरिएको विद्यालयका प्रिन्सिपल राजेश लाखाले बताए ।
विद्यालय संचालक समितिका अध्यक्ष देवचन्द्र बज्राचार्यको सभापतित्वमा भएको सो कार्यक्रममा बज्राचार्यले विद्यालयलाई मन्टेश्वरीको रुपमा विकास गरी विद्यार्थीहरुको शारीरिक मानसिक र वौद्धिक विकासमा तिव्रता ल्याउन यस किसिमका कार्यशाला गोष्ठीको आयोजना गर्नु महत्वपुर्ण रहेको बताए।
विद्यालयका प्रवन्ध निर्देशक अच्यूत प्रजापतिले वार्षिक कार्य योजना बनाई शिक्षक, अभिभावक र विद्यार्थीहरु वीच समन्वय गरी अगाडि बढ्नु पर्ने र नेपाल सरकारको शिक्षा नीति अनुसार नियम कानूनमा रही विद्यालय संचालन गर्नुपर्ने बताए ।
विद्यायलका लेखापाल दिल सुवालले आर्थिक प्रतिवेदन प्रस्तुत गरेको सो कार्यक्रममा संचालकहरु इन्द्र भक्त पंच , प्रेम कृष्ण खर्बुजा , बन्दना राजोपाध्याय लगायतले आ–आफनो विचार व्यक्त गरेका थिए ।
कार्यक्रमलाई प्रभावकारी बनाउन संचालकहरु वीच विभिन्न तीन समूह बनाई विद्यालयको विभिन्न विषयहरुमा कार्यशाला गोष्ठी सम्पन्न गरिएको प्रिन्सिपल राजेश लाखाले बताए।
