काठमाडौं, चैत २४ । ओछ्यानमा कैयौं बन्डल नगदसहित टिकटकमा भिडियो पोस्ट गर्ने व्यक्तिलाई भविष्यमा यस्तै भिडियो नपोस्ट नगर्न चेतावनी दिएपछि रिहा गरिएको छ ।
नेपाल राष्ट्र बैंकले उक्त व्यक्तिको बारेमा समाचार प्रकाशित गरेपछि यस सम्बन्धमा खोजी गरिरहेको काठमाडौं प्रहरी परिसरले भिडियो बनाउने व्यक्ति महोत्तरी जिल्ला, बर्दिवास–१ का स्थायी बासिन्दा सुलभ आचार्य रहेको जनाएको छ । उनी हाल ललितपुरको महालक्ष्मी नगरपालिका–५ टिकथलीमा बस्छन् ।
आचार्यले ओछ्यानमा एक हजार र पाँच सयका नोट राखेको भिडियो बनाएका थिए । सोधपुछ गर्दा उनले विदेशमा पढ्न गएकाले कलेजको शुल्क तिर्न बैंकबाट पैसा निकालेको बताए । आफ्नो वरिपरि पैसा लगाएर भिडियो बनाउन रमाइलो हुन्छ भन्ने लागेको उनले बताए ।
अनुसन्धानका क्रममा उनको बयानका आधारमा एभरेष्ट बैंकबाट रकम झिकिएको पाइएको थियो । आगामी दिनमा यस्ता गतिविधि नगर्न चेतावनी दिइएको प्रहरी नायब उपरीक्षक भुवनेश्वर शाहले बताए ।
Published Date: 07 April 2023
