काठमाडौँ, पुष १६। लोकप्रिय नेपाली सांगीतिक समुह नेपथ्य ब्याण्डले आज काठमाडौँमा मानवताको लागि न्यू इयर इभका रुपमा म्युजिकल कन्सर्ट गर्दै छ। सन् २०२२ को बिदाइ गर्न र अंग्रेजी नया बर्ष २०२३ को स्वागतार्थ उक्त ब्याण्डले सो सांगीतिक प्रस्तुति दिन लागेको हो।
मानवताको प्रवर्द्वनमा नेपथ्य ब्याण्डले देशैभर विभिन्न ठाउमा ९ वटा कन्सर्ट सकेर यस अभियानको अन्तिम कन्सर्ट आज काठमाडौँ दिन लागेको हो।
विभिन्न अभियानका साथ आफ्नो सांगितिक प्रस्तुतीलाई जोड्दै अघि बढेकाे नेपथ्यले यस पटक नेपालमा मानवता प्रवद्र्धनका लागि आफ्नो सांगितिक प्रस्तुती दिएको हो । जसका लागि नेपथ्यले सडक मानवको उद्धार तथा रेखदेख गरिरहेको मानव सेवा आश्रमसँग सहकार्य गरेको बताए।
नेपथ्य व्याण्डका मुख्य गायक अमृत गुरुङ् तथा उनको व्याण्ड सदस्यहरुले आज अपरान्ह काठमाडौँ भृकुटीमण्डपमा उक्त प्रस्तुति प्रस्तुत गर्दैछन।
