काठमाडौं, चैत २१ । सोलुखुम्बुको खुम्बु क्षेत्रमा एक अष्ट्रेलियन नागरिकको मृत्यु भएको छ ।
पर्यटक प्रहरी कार्यालय लुक्लाका अनुसार खुम्बु पासाङल्हामु गाउँपालिका–२ रातमाटेका ६३ वर्षीय भ्यालेन्स फिलिप थोमसको सोमबार मृत्यु भएको हो । आइतबार रामेछापको मन्थलीबाट लुक्ला विमानस्थलमा ओर्लिएका थोमस त्यहाँबाट संखुवासभा जाने तयारी गरिरहेका थिए ।
हिड्ने क्रममा उकालो बाटोमा खसेको र उपचारको क्रममा मृत्यु भएको उनले बताए ।
नेपाली पथप्रदर्शक योगबहादुर कार्कीको नेतृत्वमा थोमससहित तीन अष्ट्रेलियाली नागरिक लुक्लाबाट मेरा पिक हुँदै संखुवासभाको तुम्लिङटारतर्फ गएका थिए ।
शव स्वदेश ल्याउनका लागि कानुनी प्रक्रिया पूरा भएको छ । उनको शव मंगलबार हेलिकप्टरबाट काठमाडौं लैजाने तयारी भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
