काठमाडौँ, चैत १६ । बिहीबार सुन तोलामा ३०० रुपैयाँले घटेको छ । आज छापावाल सुन प्रतितोला एक लाख ८ हजार २०० रुपैयाँमा र तेजाबी सुन प्रतितोला एक लाख ७ हजार ७०० रुपैयाँमा झरेको नेपाल सुन चाँदी व्यवसायी महासंघले जनाएको छ ।
बुधबार भने सुनको भाउमा वृद्धि भएको थियो । हिजो सुन तोलामा ५०० रुपैयाँले बढ्दा प्रतितोला एक लाख ८ हजार ५०० रुपैयाँ पुगेको थियो ।
बिहीबार चाँदीको मूल्य भने बढेको छ। आज चाँदी तोलामा १० रुपैयाँले उकालो लागेर प्रतितोला एक हजार ३७५ रुपैयाँमा कारोबार भइरहेको छ । चाँदीको मूल्य भने निरन्तर दोश्रो दिन बढेको हो ।
अघिल्लो कारोबार दिन, चाँदी प्रतितोला १० रुपैयाँले महंगिएर प्रतितोला एक हजार ३६५ रुपैयाँमा खरिदबिक्री भएको थियो ।
Published Date: 30 March 2023
