काठमाडौँ, चैत ६ । साताको दोस्रो दिन सोमबार नेपाल स्टक एक्सचेञ्ज (नेप्से) मा दोहोरो अंकले बढेको छ । आज नेप्से २२.६५ अंकले बढेर १ हजार ९ सय ४९ दशमलव ०६ विन्दु कायम भएको हो ।
आज नेप्सेमा १ अर्ब २९ कारेड ८५ लाख ८३ हजार बराबरको कारोबार भएको हो । आज कारोबार भएका कम्पनीमध्ये १७८ वटा कम्पनीको सेयरमूल्य बढेको छ भने ३३ कम्पनीको सेयरमूल्य घटेको छ । त्यस्तै ३ कम्पनीको सेयरमूल्य स्थिर रहेको छ।
सोमबार १३ वटै उपसमूहको परिसूचक बढेको छ। जसमध्ये व्यापार उपसमूहको परिसूचक सर्वाधिक ३.६४ प्रतिशत बढेको छ। त्यस्तै, होटल तथा पर्यटन, जलविद्युत र अन्य उपसमूहको परिसूचक २ प्रतिशतभन्दा बढी बढेको छ भने विकास बैंक, वित्त र लगानी उपसमूहको परिसूचक १ प्रतिशतभन्दा बढी बढेको छ।
