काठमाडौं, चैत ४ । नागरिक लगानी कोषले देशको पूर्वाधार विकासमा ठूलो लगानी गर्ने बताएको छ ।
कोषको ३३औँ वार्षिकोत्सवका अवसरमा आयोजित कार्यक्रममा कोषको बोर्डका अध्यक्ष सूर्यबहादुर थापाले कृषि, पर्यटन, ऊर्जा, पूर्वाधारलगायत उत्पादनमूलक क्षेत्रमा लगानीलाई प्राथमिकता दिने बताए । यो पहलले देशको आर्थिक वृद्धिमा टेवा पुग्ने उनको भनाइ छ ।
कोषका कार्यकारी निर्देशक रमन नेपालले राष्ट्रिय गौरवका आयोजना र राष्ट्रिय प्राथमिकताका आयोजनालाई सुरक्षा र उच्च दरमा लगानी गर्ने गरी भविष्यमा गरिने लगानीको प्रतिफललाई ध्यानमा राखिने बताए । उनका अनुसार कोषले चालु आर्थिक वर्षको पुस मसान्तसम्ममा दुई खर्ब ६ अर्ब १९ करोड रुपैयाँ खुद निक्षेप संकलन गरेको छ ।
हालसम्म, कोषले आफ्ना १२ कार्यक्रमहरूमा ८००,००० भन्दा बढी कर्मचारीहरूलाई समावेश गरेको छ। यसको चुक्ता पुँजी ४ अर्ब २५ करोड रहेको छ ।
Published Date: 18 March 2023
