काठमाडौं, चैत ३ । प्रधानमन्त्री तथा मन्त्रिपरिषद्को कार्यालयले प्रधानमन्त्रीको आधिकारिक ट्वीटर एकाउन्ट ह्याक भएको विषयमा छानबिन गर्न प्रहरी प्रधान कार्यालयलाई औपचारिक अनुरोध गरेको छ ।
प्रहरी महानिरीक्षकलाई सम्बोधन गर्दै कार्यालयले शुक्रबार यस सम्बन्धमा पत्र लेखेको हो । पत्रमा घटना कसरी घट्यो र भविष्यमा यस्ता घटना दोहोरिन नदिनका लागि अपनाउनु पर्ने सावधानी र उपायबारे विस्तृत अध्ययन प्रतिवेदन नेपाल प्रहरी प्रधान कार्यालयलाई बुझाउन भनिएको छ ।
कार्यालयका अनुसार बिहीबार प्रधानमन्त्री कार्यालयसँग सम्बन्धित ट्विटर एकाउन्ट ह्याक गरी ह्याण्डल मार्फत “अनधिकृत” सामग्री पोस्ट गरिएको थियो। कार्यालयका अधिकारीहरूले ह्याक भएको ट्वीटर खाता बिहीबार पुनः सञ्चालनमा ल्याइएको बताए।
प्रधानमन्त्री तथा मन्त्रिपरिषद्को कार्यालयले टु फ्याक्टर अथेन्टिकेशन र सुरक्षाका अन्य उपाय अपनाए पनि अनाधिकृत प्रवेशको विषयमा विस्तृत अनुसन्धान गर्न प्रधानमन्त्री कार्यालयलाई पत्र लेखेको छ ।
