काठमाडौं, चैत ३ । उपराष्ट्रपतिको निर्वाचनमा भएको मतगणना सुरु भएको छ । संसद भवन नयाँ बानेश्वरस्थित ल्होत्से कक्षमा दुई स्थानमा मतगणना सुरु भएको हो ।
निर्वाचन आयोगले मतगणनापछि आज उपराष्ट्रपतिको निर्वाचनको प्रमाणपत्र जारी गर्ने जनाएको छ । आज बिहान १० बजेबाट सुरु भएको मतदान दिउँसो ३ बजे सकिएको हो । निर्वाचनमा ३ सय ११ संघीय सांसद र ५ सय १८ प्रदेशसभा सदस्यले मतदान गरेका छन् ।
देशको दोस्रो सर्वोच्च पदका लागि जनता पार्टीकी ममता झा, जनता समाजवादी पार्टीका रामसहयप्रसाद यादव र नेकपा एमालेका अष्टलक्ष्मी शाक्य (बोहरा) प्रतिस्पर्धामा छन् ।
यो खबर पढेर तपाईलाई कस्तो महसुस भयो ?
+1
+1
+1
+1
+1
