काठमाडौं, फागुन २९ । नेपालका लेग स्पिनर सन्दीप लामिछाने आइसिसी विश्वकप लिग २ त्रिकोणात्मक ओडिआई सिरिजमा पपुवा न्युगिनीविरुद्ध प्लेयर अफ द म्याच चुनिएका छन् । नेपाललाई ९ विकेटको जित दिलाउन सन्दीपले महत्वपूर्ण पाँच विकेट लिएका सन्दीपले प्लेयर अफ द म्याच अवार्ड जितेका हुन् ।
सन्दीपको उत्कृष्ट बलिङमा टियु मैदानमा टस हारेर पहिला ब्याटिङको निम्तो पाएको पपुवा न्युगिनी २२.५ ओभरमा ९५ रनमा अल आउट भएको थियो । सन्दीपले आफ्नो स्पेलको अन्तिम बलमा सेमो कमियालाई बोल्ड गर्दै करिअरको तेस्रो पटक ओडिआईमा तीन पटक पाँचमाथि विकेट पूरा गरेका थिए ।
