काठमाडौँ, फागुन २९ । ग्यास्ट्रिक हुने कारण धेरै छन् । अस्वस्थकर खानपान र खराब जीवनशैलिका कारण अधिकांशमा ग्यास्ट्रिक हुने गरेको पाइन्छ ।
नियमित खानपान नहुनु, अत्यधिक चिल्लो, पिरो, अमिलो, मसलेदार खाना खानु, लामो समयसम्म पेट खाली राख्नाले ग्यास्ट्रिक उत्पन्न हुन्छ । रगत, दिसा, पिसाब जाँचेर ग्यास्ट्रिक भए/नभएको पत्ता लाग्दैन । पेटभित्र कुनै समस्या छ/छैन भनेर इन्डोस्कोपी गर्नुपर्छ ।
यसबाट अम्लका कारण पेटमा घाउ भए/नभएको थाहा पाउन सकिन्छ ।
के हुन् त लक्षणहरु ?
– नाइटोभन्दा माथि छातीभन्दा तल दुख्ने, असहज महसुस हुने
– सास गनाउने
– ढ्याउढ्याउ र डकार आउने
– बान्ता हुने
– पेट दुख्ने
– पेट फुल्ने
– मुखबाट अमिलो
– पानी आउने
– खाना खाएपछि अप्ठ्यारो हुने
– अपच र कब्जियत हुने
के गर्ने, के नगर्ने ?
– लामो समय खाली पेट नबस्ने
– नियमित खाना खाने, थोरै खाने, समयमा खाने, दुई–तीन घन्टाको फरकमा खानेकुरा खाने
– फलफूल, र हरियो सागसब्जी प्रशस्त खाने
– गेडागुडीलगायत कम एसिडिटी भएका खाद्य पदार्थ खाने
– धेरै चिल्लो, अमिलो, पिरो खानेकुरा नखाने
– बोसोजन्य खानेकुरा नखाने
– जंकफुड नखाने
– अत्यधिक मात्रामा चिया, चुरोट र कफी नपिउने
– मद्यपान नगर्ने
– प्रशस्त पानी पिउने
– धेरै तनाव नलिने
– नियमित व्यायाम गर्ने
– जथाभावी दुखाइ कम गर्ने औषधि सेवन नगर्ने
– थप समस्या परेमा चिकित्सकको सल्लाहमा औषधि उपचार गर्ने ।
