काठमाडौं, फागुन २६ । जजिरा एयरलाइन्सले साढे दुई महिनाको अन्तरालपछि गौतमबुद्ध अन्तर्राष्ट्रिय विमानस्थलबाट उडान पुनः सञ्चालन गरेको छ ।
कुवेती एयरलाइन्सले बिहीबार बिहान ७ बजेर १५ मिनेटमा आफ्नो विमान ६६ यात्रु लिएर विमानस्थलमा अवतरण गरेको थियो । ९३ यात्रु सवार विमान बिहान ८:०५ मा उडेको थियो।
एयरलाइन्सले गत जेठ २ गतेदेखि व्यावसायिक रुपमा सञ्चालनमा आएपछि जिबीआइएबाट कुवेतका लागि नियमित उडान गर्दै आएको थियो । मौसमको समस्या देखाउँदै पुस ६ बाट सञ्चालनमा रोक लगाइएको थियो ।
विमानस्थलका प्रवक्ता सुवास झाका अनुसार जजिराले हरेक साताको मंगलबार, बिहीबार र शनिबार उडान गर्ने तालिका रहेको छ । एयरलाइन्सले भैरहवा–कुवेत रुटको एकतर्फी टिकट भाडा २८ हजार ८३६ तोकेको छ ।
Published Date: 10 March 2023
