काठमाडौं, फागुन २६ । निर्वाचन आयोगले राष्ट्रपति विद्यादेवी भण्डारीलाई बिहीबार भएको राष्ट्रपति निर्वाचनको नतिजासहितको प्रतिवेदन आज पेस गर्ने भएको छ ।
आयोगले राष्ट्रपति तथा उपराष्ट्रपति निर्वाचन ऐन, २०७४ को दफा ६० बमोजिम निर्वाचनको नतिजासहित प्रतिवेदन बुझाउने कार्यतालिका रहेको आयोगका प्रवक्ता शालिग्राम शर्मा पौड्यालले जानकारी दिए ।
त्यसैगरी आयोगले राष्ट्रपतिको निर्वाचन शान्तिपूर्ण र उत्साहजनक रुपमा सम्पन्न भएको भन्दै निर्वाचनलाई स्वतन्त्र, निष्पक्ष, विश्वसनीय रुपमा सम्पन्न गर्न भूमिका खेल्ने राजनीतिक दल, उम्मेदवार, पदाधिकारी, सुरक्षाकर्मीलगायत सबैलाई धन्यवाद दिएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
