कोटेश्वरमा मोटरसाइकल दुर्घटना हुँदा एक जनाको मृत्यु

काठमाडौं, फागुन २३ । काठमाडौं महानगरपालिका–३२ कोटेश्वरमा मोटरसाइकल दुर्घटना हुँदा एक जनाको मृत्यु भएको छ । कोटेश्वरमा भक्तपुर चाँगुनारायण नगरपालिका–५ ताथलीका ४२ वर्षीय मधुकर बालाको पीआरए ३–०२–००९ पीए ७००६ नम्बरको मोटरसाइकल अनियन्त्रित भई दुर्घटना हुँदा मृत्यु भएको हो ।

दुर्घटनामा गम्भीर घाइते भएका उनको गएराति काठमाडौं मेडिकल कलेज सिनामंगलमा मृत्यु भएको प्रहरी प्रधान कार्यालयले जनाएको छ । प्रहरीका अनुसार दुर्घटनामा परी घाइते भएकी एक महिलाको सोही अस्पतालमा उपचार भइरहेको छ ।