काठमाडौँ, फागुन १५ । पियरसिङ गर्दा शरीरको कुनै भागमा प्वाल पारिन्छ र त्यसलाई गहना लगाउन योग्य बनाइन्छ । प्रायजसो पियरसिङ सामान्य सियो र बन्दुकको माध्यमबाट गरिन्छ ।
पियरसिङ गर्ने बन्दुकमै कानमा लगाउने टप जोडिएको हुन्छ । बन्दुकले कानमा दुलो पारेसँगै टप त्यहीं फिट हुन्छ । त्यसैगरी आजभोलि मानिसले शरीरको विभिन्न भागमा पियरसिङ गर्छ जसमध्ये एक भाग मानिसको नाइटो पनि हो।
यो विधि खासै सुरक्षित नमानिए पनि नेपालमा यसकै चलन बढी छ ।
– जथाभावी पियरसिङ गर्दा ब्याक्टेरिया, भाइरस, एचआईभी, हेपाटाइटिसलगायत संक्रमणको जोखिम हुन्छ।
– सियोको माध्यमबाट गरिने पियरसिङ व्यक्तिको रोजाइ हो । सियोलाई उचित तरीकाले प्रयोग नगर्दा संक्रमणको जोखिम हुन्छ ।
– जथाभावी छेदन गर्दा घाउ पाक्ने, नकारात्मक प्रतिक्रिया, ब्याक्टेरिया, भाइरस, एचआईभी, हेपाटाइटिसलगायत संक्रमणको जोखिम बढ्छ ।
– बिना अनुभवीको मा गएर नाइटो छेड्दा मासु पलाउने समस्या आउने र नशामा क्षति समेत पुग्नसक्छ ।
– त्यसैले सुरक्षित तवरले अनि अनुभवी व्यक्ति मार्फत मात्रै नाइटो छेड्दा राम्रो हुन्छ र कुनै किसिमको जोखिम हुँदैन। यस्तो पियरसिङ शरीरमा सुहाउँदो पनि हुन्छ ।
