काठमाडौं, फागुन ११ । नेपाल विद्युत प्राधिकरणका प्रबन्ध निर्देशक कुलमान घिसिङले चक्रपथ विस्तारमा अख्तियार भएकाले कुनै समस्या नरहेको बताएका छन् ।
दोस्रो चरणको चक्रपथ विस्तारको कलंकी–बसुन्धरा सडकखण्डको बिहीबार निरीक्षणका लागि उपप्रधान तथा भौतिक पूर्वाधार तथा यातायातमन्त्री नारायणकाजी श्रेष्ठ र चिनियाँ राजदूत चेन सोङसँगै अनुगमन तथा निरीक्षणका लागि त्यहाँ पुगेको घिसिङले बताए ।
कलङ्की–बसुन्धरा सडकखण्डका १५ पोल हटाउन बाँकी रहेकाले १५ दिनभित्र ती पोल हटाउने उनले बताए । प्राधिकरणका कारण कुनै पनि ठाउँमा चक्रपथ विस्तारमा समस्या नरहेको उनले स्पष्ट पारे ।
घिसिङले भने, ‘अहिले कलङ्की–चाबहिल सडक खण्डसम्म यो चक्रपथ विस्तारका लागि विद्युतीय पोल सार्ने काम सकिएको छ । सडकको लेभल एक–दुई ठाउँमा मिलाउन बाँकी रहेकाले करिब १५ दिन पोल सार्ने काम बाँकी छ । प्राधिकरणका पोलका कारण कुनै पनि ठाउँमा चक्रपथ विस्तारमा समस्या छैन ।”