भक्तपुर, चैत ६ । भक्तपुरको सूर्यविनायक क्षेत्रमा निःशुल्क आँखा शिविर आयोजना हुने भएको छ। मन्टेसरी एजुकेशन स्कूल सूर्यविनायक भक्तपुरको आयोजनामा तथा तिलगंगा आँखा अस्पतालको प्राविधिक सहयोगमा उक्त शिविर सञ्चालन हुन लागेको हो।
विद्यालयका अनुसार ‘निःशुल्क आँखा शिविर–२०८२’ अन्तर्गत सहभागीहरूलाई आँखा परीक्षण तथा चस्मा जाँच सेवा प्रदान गरिनेछ। आवश्यकताका आधारमा निःशुल्क औषधि वितरण गरिनुका साथै मोतिबिन्दुका बिरामीहरूको निःशुल्क शल्यक्रिया समेत गरिने जनाइएको छ।
शिविर चैत ७ गते शनिबार बिहान ९ बजेदेखि दिउँसो १ बजेसम्म सञ्चालन हुनेछ। कार्यक्रम स्थल मन्टेसरी एजुकेशन स्कूल, सूर्यविनायक–८ (एनआइएमबी बैंक पछाडि) रहेको छ।
विद्यालयले स्थानीय बासिन्दालाई समयमै उपस्थित भई सेवा लिन अनुरोध गरेका छन्।
Published Date: 20 March 2026
