काठमाडौं, फागुन २६ । चुनावपछि पहिलो पटक बजार खुल्दा आइतबार तीन पल्ट पोजेटिभ सर्किट ब्रेक लागेर १२ बजे नै बन्द भएको सेयर बजारमा दोस्रो दिन सोमबार भने उच्च गिरावट आएको छ ।
आज नेप्से परिसूचक ३२.०८ अंकले घटेर २८४३.३५ बिन्दुमा ओर्लिएको हो । हिजो नेप्से ६ प्रतिशतले बढेकोमा आज १.११ प्रतिशतको गिरावट आएको छ ।
हिजो १२ बजेसम्म कारोबार हुँदा ५५ करोड ५९ लाख ६३ हजारको कारोबार भएकोमा आज २१ अर्ब ५० करोड २० लाख ३१ हजार रुपैयाँको कारोबार भएको छ । दिनभरमा कुल ५ करोड २७ लाख ११ हजार ३५३ कित्ता सेयर कारोबार भएको छ ।
