काठमाडौँ, पुस २ । साताको चौथो कारोबार दिन सेयरबजार परिसूचक नेप्से सामान्य अंकले बढेको छ । बुधबार नेप्से ५.७० अंकले बढेर २ हजार ६२५.७० विन्दुमा कायम भएको छ । बुधबार सेयरबजारमा ३३२ कम्पनीका सेयर कारोबार भएका छन् ।
जसमध्ये १४३ कम्पनीका सेयरमूल्य बढेका छन् भने १०४ कम्पनीका सेयरमूल्य भने ओरालो लागेका छन् । बाँकी ११ कम्पनीका सेयरमूल्य स्थिर रहेका छन् । आज ८५ लाख ९८ हजार ४२४ कित्ता सेयर ४ अर्ब ५ करोड ३७ लाख २१ हजार रुपैयाँमा किनबेच भएको छ । कारोबार रकम मंगलबारको तुलनामा ७५ करोड ९५ लाख रुपैयाँले बढी हो ।
सेयरबजारमा सूचीकृत समूहगत परिसूचकमध्ये वाणिज्य बैंक, विकास बैंक, वित्त, जलविद्युत, लगानी, जीवन बीमा, उत्पादनशील, लघुवित्त, म्युचुअल फण्ड तथा अन्य समूहका परिसूचक सकारात्मक रहेका छन् । सबैभन्दा धेरै वित्त समूहको परिसूचक १.७५ प्रतिशतले बढेको छ । होटेल तथा पर्यटन, निर्जीवन बीमा तथा व्यापार समूहको परिसूचकमा भने गिरावट आएको छ ।
Published Date: 17 December 2025
