काठमाडौँ, कार्तिक ९ । सुनको मूल्यमा एकैदिन ११ हजार ६०० रुपैयाँले घटेको छ । नेपाली बजारमा सुनको मूल्य प्रतितोला एकैदिन ११ हजार ६०० रुपैयाँले घटेको सम्भवतः यो नै पहिलो घटना हो ।
तिहारको विदाहुनुअघि कात्तिक ३ गते नेपाली बजारमा सुनको भाउ प्रतितोला २ लाख ५३ हजार ५०० रुपैयाँ रहेको थियो । विदापछि आजदेखि खुलेको बजारमा सुनको भाउ तोलाको २ लाख ४१ हजार ९०० तोकिएको हो ।
अन्तराष्ट्रिय बजारमा समेत सुनको मूल्य गिरावट भइरहेकोले त्यसको प्रभाव स्थानीय बजारको मूल्यमा परेको हो ।
सुनसँगै चाँदीको मूल्य समेत घटेको छ । जसअनुसार कात्तिक ३ गते प्रतितोला ३ हजार २८० रुपैयाँमा कारोबार भएको चाँदीको मूल्य घटेर आज ३ हजार १५ रुपैयाँमा सीमि बन्न पुगेको छ ।
अन्तराष्ट्रिय बजारमा सुनको मूल्य प्रति औंस ४३०० डलरभन्दा माथि पुगेर ठूलो करेक्सन भई केही सुधारमार्फत हाल ४१०० माथि टिकिरहेको छ ।
