सुनको भाउ प्रतितोला ३ हजार ९०० रुपैयाँले बढ्यो

काठमाडौं, असोज ७ । नेपाली बजारमा आज मंगलबार सुनको मूल्यमा भारी वृद्धि भएको छ । आज छापावाल सुनको मूल्य प्रतितोला ३ हजार ९०० रुपैयाँ बढेको छ ।

नेपाल सुनचाँदी व्यवसायी महासंघका अनुसार आज सुन प्रतितोला २ लाख २१ हजार ७०० रुपैयाँमा कारोबार भइरहेको छ । यो मूल्य हालसम्मै उच्च हो ।

यसैगरी आज चाँदीको मूल्य तोलामा ३० रुपैयाँ बढेर २ हजार ६८० रुपैयाँमा कारोबार भइरहेको छ । चाँदीको पनि यो मूल्य हालसम्मकै उच्च हो ।