‘पवित्र रिश्ता’ अभिनेत्री प्रिया मराठेको निधन

‘पवित्र रिश्ता’ अभिनेत्री प्रिया मराठेको निधन : Icon Khabar

काठमाडौं, भदौ १५ ।  ‘पवित्र रिश्ता’, ‘कसम से’ र ‘उत्तरन’ जस्ता चर्चित हिन्दी टेलिश्रृंखलामा अभिनय गरेर दर्शकको मन जितेकी अभिनेत्री प्रिया मराठेको ३८ वर्षको उमेरमा निधन भएको छ।

लामो समयदेखि क्यान्सरसँग जुधिरहेकी मराठे आइतबार बिहान ४ बजे मुम्बईको मीरा रोडस्थित आफ्नै घरमा अन्तिम सास फेरेकी हुन्। उनको निधनप्रति टेलिभिजन जगतका कलाकार तथा प्रशंसकले गहिरो शोक प्रकट गर्दै श्रद्धाञ्जली अर्पण गरेका छन्।

सन् २०१२ मा उनले अभिनेता श्रीकान्त मोघेका छोरा शान्तनु मोघेसँग विवाह गरेकी थिइन्। रंगमञ्चमार्फत अभिनय यात्रा सुरु गरेकी उनले सन् २००५ मा मराठी टेलिभिजनबाट आफ्नो करियर प्रारम्भ गरेकी थिइन्।

सन् २००८ मा ‘कसम से’ टेलिश्रृंखलामार्फत हिन्दी टिभीमा प्रवेश गरेकी उनले ‘विद्या बाली’को भूमिका निर्वाह गरेकी थिइन्। सन् २००९ को सुपरहिट टेलिश्रृंखला ‘पवित्र रिश्ता’मा वर्षाको नकारात्मक पात्र निभाउँदै उनले ठूलो लोकप्रियता कमाएकी थिइन्।

त्यसपछि उनले ‘बडे अच्छे लगते हैं’, ‘कमेडी सर्कस’, ‘साथ निभाना साथिया’, ‘भागे रे मन’ र ‘आयुष्मान भवः’ लगायतका सफल कार्यक्रममा समेत अभिनय गरेकी थिइन्।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
Published Date: 31 August 2025
Website | + posts