काठमाडौँ, भदौ १५ । शेयर बजार पछिल्ला दुई कारोबार दिनदेखि घटेको छ । सूचक बढ्ने अपेक्षामा रहेका लगानीकर्ताहरु थप घटाईको भार खेप्नु परेको छ ।
आईतबारको बजार ३१.१७ अंकले घटेर २७४९.८३ विन्दुमा झरेको छ । यस दिन ६ अर्ब ६ करोड १८ लाख रुपैयाँ बराबरको शेयर खरिदबिक्री भएको छ । लगानीकर्ताहरु बजार घट्नुको कारण खाेजेका छन् । तर के कारणले बजार घटिरहेकाे छ, एकिनका साथ भन्न सकिने अवस्था छैन् । बजार निरन्तर घटेको अवस्थामा धेरै नाफा नभइसकेको हुँदा नाफा सुरक्षित भएको छैन् । यद्यपी बजारमा बिक्रीचाप निरन्तर रुपमा परेको छ ।
दाेस्रो बजारसँगै समानान्तर रुपमा प्रि आईपीओको शेयर खरिद बिक्री भएको छ । बजारको पैसा प्रि आईपीओमा लगानी हुने गरेको अनुमान गरिएको छ । अर्कोतर्फ पछिल्लो समय निरन्तर रुपमा दोस्रो बजारमा कम्पनी थप हुने क्रम जारी छ । आईपीओ मार्फत बाहिरिएको पैसा पनि बजारमा आउँदैन । बजारमा शेयरको माग भन्दा सप्लाई धेरै भएकै कारण बढ्न नसकेको लगानीकर्ताहरुको बुझाई छ ।
