काठमाडौँ, भदौ ६ । दक्षिण अमेरिका र अन्टार्टिकाको ड्रेक प्यासेजको बीचमा बिहीबार ७ दशमलव ५ तीव्रताको भूकम्प गएको छ । यति ठूलो भूकम्पपछि पनि सुनामीको कुनै खतरा भने नभएको प्यासिफिक सुनामी वार्निङ सेन्टरले भनेको छ ।
भूकम्पको धक्का ७०० किमी भन्दा धेरै र रहेको अर्जेन्टिनाको उशुआइआसम्म महसुस भएको बताइएको छ । चिलिको नेभी हाइड्रोग्राफिक सर्भिसले आफ्नो अन्टार्टिका क्षेत्रमा सुनामीको चेतावनी जारी गरेको थियो ।
यसअघि गएको मे महिनामा यही क्षेत्रमा ७ दशमलव ५ तीव्रताको भूकम्प गएको थियो ।
Published Date: 22 August 2025
