भक्तपुर, साउन १५ । असार १५ का दिन दही चिउरा खाएर शरीरलाई ऊर्जामय बनाए जसरी साउन १५ मा तात्तातो मसलेदार खीर भोजन गरेर शरीरलाई सन्तुलनमा राख्ने यो पुरानो चलन र नेपाली संस्कार हो । पूजाआजा, अर्चना, श्राद्ध, विहे, वर्तबन्ध अनि कुनैपनि हिन्दू रीतितिथी मिल्दो संस्कार सम्पन्न गर्दा खिर एउटा अपरिहार्य परिकारको रूपमा नेपालीहरू बिच लोकप्रिय छ ।
४ देखि ५ जनालाई पुग्ने खिरको परिकार बनाउन करिव १ घण्टाको समय लाग्छ ।
आवश्यक पर्ने सामग्रीहरु:
दूध: ४ लिटर
शुद्ध घिउ: २०० ग्राम
अनदी या टैचनको चामल: ५०० ग्राम
चिनी या मिश्री: ३०० ग्राम
मरिच खस्रो पिसेको: १ सानो चम्चा
जाईफल: १ सानो दाना मसिनो गरि पिस्ने
काजु किसमिस बदम नरिवल: १०० ग्राम ( नभए पनि हुने )
बनाउने बिधि:
१. कसौडिमा घिउ राखी चामल हल्का खैरो हुने गरि भुट्ने
२. दुध राखी हल्का आँचमा ४५ मिनेट जति पकाउने !
३. पाकी सकेपछि बाँकि सामान राखी चलाउने र केहि समय छोपी राख्ने
अब खिर तयार भयो !
