काठमाडौं, फागुन ४ । प्रमुख निर्वाचन आयुक्त दिनेशकुमार थपलियाले मतदाताले आफ्नो स्थायी ठेगाना जुनसुकै भए पनि आफू बसेको ठाउँबाट मतदान गर्न पाउने कानुन बनाउनुपर्ने बतायेका छन्।
बिहीबार काठमाडौंमा आयोजित एक कार्यक्रममा बोल्दै प्रमुख निर्वाचन आयुक्त थपलियाले आम मतदाताले आफू बसेको ठाउँबाट मतदान गर्न सक्ने गरी कानुन बनाउनुपर्ने बताए ।
उनले अन्तिम मतदाता नामावलीमा नाम प्रकाशित भएका मतदाताले अस्थायी बसोबास गरेको ठाउँबाट समेत समानुपातिक निर्वाचन प्रणालीमा मतदान गर्न पाउने बताए । उनले यसपटक कर्मचारी र कैदीबन्दीलाई समानुपातिक रूपमा मतदान गर्न दिइएको उल्लेख गर्दै आगामी दिनमा आम मतदाताले पनि सोहीअनुसार मतदान गर्न सक्ने गरी कानुन बनाउनुपर्ने बताए । उनले यस्तो व्यवस्थाले निर्वाचनमा मतदाताको चाप बढ्ने बताए ।
उनले निर्वाचन आयोगले समावेशीता र लैङ्गिक समानताका आधारमा निर्वाचन ऐन तयार गरिरहेको बताए ।
