काठमाडौ, साउन ५ । सेयर बजार परिसूचक नेप्सेले २९ सयको विन्दु पार गरेको छ । आइतबार २९ सय २२ अंकसम्म पुगेको बजार नाफा बुक गर्ने हावी हुँदा २८ सय ७० मा आएर बन्द भएको थियो । सोमबार दिन भर पनि बजारमा उदारचढाव रहेपनि अन्तिममा आएर बजार ३१.७८ अंकले बढेर २९ सय २.७८ अंकमा पुगेर कारोबार भन्द भएको हो ।
सोमबार ३११ कम्पनीको ३ करोड ५६ लाख कित्ता शेयर कारोबार हुँदा १६ अर्ब ३२ करोड ७१ लाख रुपैयाको कारोबार भएको छ । कारोबार भएका कम्पनीमा सबै भन्दाबढी थ्रिस्टर हाईड्रोपावरका लगानी कर्ताले ९.९९ प्रतिशतले कमाएका छन् । यस्तै, ट्रेड टावर लिमिटेडका लगानी कर्ताले ९.९८ प्रतिशतले कमाएका छन् । बजार ३१ अंकले बढेपनि ग्रिन डेभलेपमेन्ट र सप्ताकोसी डेभलपमेन्ट बैंकका सेयर लगानी कर्ताले भने १० प्रतिशतले गुमाएका छन् ।
नोट : अन्तिम १५ मिनेटको कारोबारको औसत गणना बजार बन्द भएको केही समयपछि मात्र आउने भएकाले त्यसपछि नेप्से सूचकमा सामान्य तलमाथि हुन सक्नेछ ।
Published Date: 21 July 2025
