भक्तपुर, असार १८ । भक्तपुर नगरपालिका–५ मा अवस्थित आदर्श आजाद माध्यमिक विद्यालय हाल एसइइ परीक्षाफलपछि +२ तहमा भर्ना लिने विद्यार्थीहरूको प्रमुख रोजाइ बन्न थालेको छ। विद्यालयले व्यवस्थापन, शिक्षा, कानुन, मानविकी र होटल म्यानेजमेन्ट संकायमा कक्षा ११ का लागि भर्ना खुला गरेको छ।
विद्यालयका अनुसार स्थापना कालदेखि नै गुणस्तरीय शिक्षा, व्यवहारिक तालिम र अनुशासित वातावरण प्रदान गर्दै आएको यस शिक्षालयले विद्यार्थीको बौद्धिक मात्र नभई सामाजिक, नैतिक र नेतृत्व क्षमताको समेत विकासमा जोड दिँदै आएको छ।
एसइइमा उत्कृष्ट नतिजा ल्याउने विद्यार्थीहरूलाई छात्रवृत्तिको व्यवस्था गरिएको विद्यालय प्रशासनले जानकारी दिएको छ। त्यसैगरी, अध्ययन शुल्क समेत न्यूनतम तोकिएको छ ।
पठनपाठन समय बिहान ६:३० देखि १० बजेसम्म तोकिएको छ भने शिक्षण कार्य अनुभवी तथा दक्ष शिक्षकहरूको समूहबाट सञ्चालन हुने विद्यालयले जनाएको छ।
विद्यालयले आगामी शैक्षिक सत्रका लागि इच्छुक विद्यार्थीहरूलाई छिटो सम्पर्क गरी सीट सुनिश्चित गर्न आग्रह गरेको छ र जसका लागि धमाधम फारम वितरण भैरहेको छ ।
