सुनचाँदी व्यवसायीहरूद्वारा देशभरका पसल बन्द गरी आन्दोलन सुरु

काठमाडौँ, जेठ २९ । सुनचाँदी व्यवसायीहरूले देशभरका पसल बन्द गरी आन्दोलन सुरु गरेका छन्। आगामी बजेटमा सुनमा २ प्रतिशत विलासिता कर र हिरामा १३ प्रतिशत भ्याट लगाइएको विरोधमा उनीहरूले विरोध जनाएका हुन्।

व्यवसायीहरूले सुनको भन्सार ६ प्रतिशत कायम गर्नुपर्ने र सुनचाँदी कारोबारका लागि स्पष्ट नीति बनाउनुपर्ने माग गरेका छन्। बिहीबार नेपाल सुन चाँदी व्यवसायी महासङ्घ, नेपाल सुनचाँदी रत्न तथा आभूषण महासङ्घ र नेपाल हस्तकला महासङ्घ र देशभरका सङ्घहरूले व्यवसाय बन्द गरेर विरोध जनाएका छन् ।