काठमाडौँ, जेठ २६ । सुनको मूल्य घट्ने क्रम आजपनि जारी रहेको छ । अघिल्लो दिन प्रतितोला ३ हजार रुपैयाँले घटेको सुनको मूल्य आजपनि घटेको हो ।
आज सुनको मूल्य तोलामा १ सय रुपैयाँले घटेको नेपाल सुनचाँदी व्यवसायी महासंघले जनाएको छ । संघका अनुसार आज सुनको कारोबार प्रतितोला १ लाख ९० हजार ६ सय रुपैयाँमा भईरहेको छ ।
अघिल्लो दिन सुनको मूल्य प्रतितोला १ लाख ९० हजार ७ सय रुपैयाँ कायम थियो । आज चाँदीको भाउ भने बढेको छ । चाँदी ५ रुपैयाँले बढ्दै प्रतितोला २ हजार १५० रुपैयाँ कायम भएको छ ।
