भक्तपुर, जेठ ६ । भक्तपुर नपा वडा नं. ४ गःहिटीस्थित भक्तपुर नगरपालिकाद्वारा पुनःनिर्मित लक्ष्मीनरसिंह मन्दिर आज एक कार्यक्रमबीच उद्घाटन भएको छ।
नेपाल मजदुर किसान पार्टीका अध्यक्ष नारायणमान बिजुक्छेँले सो मन्दिरको उद्घाटन गरेका हुन्। उद्घाटन कार्यक्रममा भक्तपुर नपाका प्रमुख सुनिल प्रजापति, भक्तपुर जिल्लाका प्रमुख जिल्ला अधिकारी गोपाल प्रसाद अर्याल, उपप्रमुख रजनी जोशी लगायत नपाका जनप्रतिनिधिहरु र स्थानिय जनताहरुको उपस्थिति रहेको थियो।
मन्दिर पुनःनिर्माणमा आर्थिक, भौतिक र श्रमदान गर्ने व्यक्तिहरु, भक्तपुर नगरपालिकाका जनप्रतिनिधिहरू, निर्देशक समिति, प्राविधिक समिति, अनुगमन समिति र उपभोक्ता समितिलाई नगरपालिकाले आभार ब्यक्त गरेको हो।
