काठमाडौं, फागुन १ । सर्वोच्च अदालतले बलात्कारको आरोपमा पक्राउ परेका क्रिकेटर सन्दीप लामिछानेलाई धरौटीमा रिहा गर्ने आधार र कारण माग गर्दै ११ दिनअघि पत्र पठाए पनि उच्च अदालत पाटन पुगेको छैन ।
लामिछानेलाई २० लाख धरौटीमा रिहा गर्न उच्च अदालतको आदेशविरुद्ध महान्यायाधिवक्ताको कार्यालयले दायर गरेको पुनरावेदनको सुनुवाइ गर्दै सर्वोच्चले फागुन ३ गते ‘विस्तृत प्रतिवेदन’ पेस गर्न आदेश दिएको हो ।
उच्च अदालत पाटनका एक अधिकारीले भने, ‘लामिछानेलाई धरौटीमा रिहा गर्ने आदेशको विस्तृत प्रतिवेदन माग गर्दै आएको सर्वोच्चको पत्र आइतबार साँझसम्म पनि हामीकहाँ पुगेको छैन । पत्र पाएपछि पनि उच्च अदालतले मुद्दाको प्रकृति हेरेर विस्तृत प्रतिवेदन पठाउन एकदेखि दुई साता लाग्ने अधिकारीले बताए ।
Published Date: 13 February 2023
