काठमाडौं, चैत २० । बुधबार नेप्से परिसूचक २५.३१ विन्दुले बढेर २७०१.४८ अंकमा आएको छ ।
आज ५ अर्ब ४४ करोड रुपैयाँभन्दा बढीको सेयर कारोबार भएको छ । २ वटा कम्पनी सकारात्मक सर्किट लेबलमा कारोबार भएका छन् भने एउटा कम्पनीमा नकारात्मक सर्किट लागेको छ । २ वटाबाहेक बाँकी सबै समूहका सूचक बढेका छन् ।
आज ३ सय १८ कम्पनीको १ करोड ४ लाखभन्दा बढी कित्ता सेयर कारोबार भएको छ । ३६ करोड ५५ लाख रुपैयाँभन्दा बढीसहित कारोबार रकममा सीइडीबी होल्डिङस अग्रस्थानमा रहेको छ ।
यसैगरी, दोस्रो र तेस्रो स्थानमा क्रमशः हिमालयन रिइन्सुरेन्स र ङादी ग्रुप पावर परेका छन् ।
