वसन्त ऋतुका लागि हिमाल आरोहण अनुमति दिन सुरु

काठमाडौं, चैत १२ । वसन्त ऋतुका लागि हिमाल आरोहण दिन सुरु गरिएको छ । पर्यटन विभागका अनुसार अहिलेसम्म ८ टोलीका ५८ जनाले आरोहण अनुमति लिइसकेका छन् ।

१८ महिला र ४० पुरुष आरोहीले अनुमति लिएको विभागले जनाएको छ । जसमा सबैभन्दा धेरै अन्नपूर्ण प्रथम हिमाल आरोहणका लागि अनुमति जारी भएको छ ।

यो हिमालका लागि ४२ जनाले अनुमति लिएका छन् । जसमा १२ महिला छन् । सरकारले अहिलेसम्म जारी आरोहण अनुमतिबाट १ करोड ९ लाख रोयल्टी उठाइसकेको छ ।