काठमाडौं, चैत १० । सेयर बजार झन् फराकिलो अंकले घटेको छ । आइतबार नेप्से परिसूचक ५४.६२ अंकले घटेर २६१४.६८ मा आएको छ । ६ अर्ब २६ करोड रुपैयाँ भन्दा बढीको सेयर कारोबार भएको छ ।
सबै समूहका सूचक घटेका छन् । एउटा कम्पनीमा नेगेटिभ सर्किट ब्रेकर लागेको छ । निरन्तर अनि एकोहोरो पाराले बजार घटिरहेको छ । किन यसरी एकोहोरो बजार घटिरहेको छ भन्नेमा आम कौतुहलता बढेको छ । तर यसको पछाडि एउटैमात्र ठोस कारण देखिएको छैन ।
आज ३ सय १७ कम्पनीको १ करोड २३ लाख ७१ हजारभन्दा बढी कित्ता सेयर कारोबार भएको छ । ४२ करोड रुपैयाँभन्दा बढीसहित कारोबार रकममा हिमालयन रिइन्सुरेन्स अग्रस्थानमा रहेको छ ।
यसैगरी, दोस्रो र तेस्रो स्थानमा क्रमशः एनआरएन इन्फ्रास्ट्रक्चर र नेपाल पुनर्बिमा कम्पनी परेका छन् ।
यो खबर पढेर तपाईलाई कस्तो महसुस भयो ?
+1
+1
+1
+1
+1
