काठमाडौं, फागुन २५ । डिजिटल वालेट ‘खल्ती’ ले एनसेलसँग सहकार्य गर्दै आफ्ना प्रयोगकर्ताहरुका लागि नयाँ सुविधा विस्तार गरेको छ ।
यसअन्तर्गत एनसेलका सिम भएका प्रयोगकर्ताहरुले ब्यालेन्स सकिँदा र डाटा नहुँदा पनि खल्ती एप चलाउन सक्ने भएका छन् । निःशुल्क खल्ती एप चल्ने भएका कारण इन्टरनेट पहुँच नपुगेको ग्रामीण भेगका व्यक्तिहरुले पनि डिजिटल सेवामार्फत सजिलै आफ्नो एनसेलको रिचार्ज साथै डाटा र भ्वाइस प्याकेज खरिद गर्नसक्ने कम्पनीले जानकारी गराएको छ ।
यस सुविधाले सजिलै डाटा प्याक खरिद गरी इन्टरनेट पहुँच प्रदान गर्नेछ । यसका साथै एन्सेल र खल्तीको सहकार्यमा फागुन २५ र चैत्र ३ आकर्षंक उपहारको साथ फायर सेल्स घोषणा गरिएको खल्तीले जनाएको छ ।
उक्त दिनहरुमा खल्तीबाट एनसेलको डाटा वा भ्वाइस प्याक खरिद गर्ने सबै प्रयोगकर्ताले थप डाटा र भ्वाइस पाउनेछन् भने २ जनाले एयर बड जित्ने मौका पाउनेछन् । साथै, २० जनालाई एक जोडि फिल्म टिकट र २ जनाले ५ अप्रिलमा हुन गइरहेको जेमसन पाटन फेस्टको भीआइपी टिकट जित्ने मौका पाउने खल्तीले जनाएको छ ।