काठमाडौं, माघ २९ । स्वास्थ्य तथा जनसङ्ख्या मन्त्रालयले नेपाल चिकित्सक संघलाई आन्दोलन फिर्ता गरी नियमित सेवा सुचारु गर्न आग्रह गरेको छ ।
स्वास्थ्य तथा जनसङ्ख्या मन्त्रालयका सहप्रवक्ता समिरकुमार अधिकारीले शनिबार राति एक विज्ञप्ति जारी गर्दै दीर्घकालीन बिरामी बिरामीको स्वास्थ्य सेवालाई ध्यानमा राख्दै सबै स्वास्थ्यकर्मीलाई स्वास्थ्यका विषयमा थप संवेदनशील बन्न र आन्दोलन फिर्ता लिन आग्रह गरेका हुन् ।
डा जनितलाल सिंहमाथि हातपात गर्ने प्रहरी जवानलाई निलम्बन गरी कारबाही थालिएको सहप्रवक्ता अधिकारीले जानकारी दिए । एनएमएले उठाएका मागमा छलफल गरी समस्या समाधानका लागि वार्ता समिति गठन गर्ने प्रयास भइरहेको छ ।
